İran parlamentinin üzvü Ələddin Borucerdi Qambiyanın Tehranla münasibətlərini kəsməsinə görə Amerikanı günahlandırıb. Bu Qərbi Afrika ölkəsi dünən İranla diplomatik və iqtisadi əlaqərlərin kəsildiyini , İran nümayəndəsinin Qambiyanı tərk etməsinə 48 saat verildiyini elan etmişdi.Qambiya rəsmiləri bunu heç nə ilə izah etməyiblər. Lakin İran qanunvericisi bu addımın ABŞ-ın təzyiqləri altında atıldığını deyib. O bildirib ki, Amerikanın İranla bağlı siyasəti onun Afrika da daxil edilməklə, dünya ölkələri ilə əlaqələrinə zərər vurmağa yönəlib. Qambiyanın sabiq diplomatlarından biri isə əlaqələrin kəsilməsinin digər motivlərə əsaslandığını deyib. O bildirib ki,Qambiya prezidenti Yəhya Camme keçən həftə İranın Nigeriyada müsadirə edilən silah yükü ilə əlaqəsini ört-basdır etməyə cəhd edir.