İranın Xalq Mücahidinləri Təşkilatının Amerikanın terrorist siyhısından çıxarılması səyləri gücləndirilib

Avropa İttifaqının parlamenti İranın Xalq Mücahidinləri Təşkilatının Amerikanın terrorist siyhısından çıxarılması səylərini gücləndirib. Parlamentin qəbul etdiyi bəyannamədə Avropa İttifaqının Xarici Əlaqələr şöbəsinin rəhbəri Katrin Aşton Obama administrasiyasının bu addımı atması üçün lobbiçilik etməyə çağırılır. İranın müxalifət qrupu ABŞ Dövlət Departamentinin xarici terrorist təşkilatları sırasında 1997-ci ildən yer alır. Avropa İttifaqı Xalq Mücahidinləri Təşkilatını keçən il terrorist sıyahısından çıxarıb. Avropa Parlamentinin ABŞ prezidenti Barak Obamaya ünvanlandığı məktubda deyilir ki, bu təşkilat Qərbə dost, dini fundamentalizmə düşmən bir qurumdur.