Sentyabrın 7-də Azərbaycan, Türkiyə və Gürcüstan xarici işlər nazirlərinin Bakıda növbəti görüşü keçiriləcək.
APA agentliyi bildirir ki, Türkiyə xarici işlər naziri Mövlud Çavuşoğlu görüşdə iştirak etmək üçün sentyabrın 6-da Bakıya gələcək.
Azərbaycan, Türkiyə və Gürcüstan xarici işlər nazirləri son illər mütamadi olaraq üçtərəfli formatda görüşlər keçirlir. Növbəlilik əsasında hər üç ölkədə keçirilən görüşlərdə regional və qlobal məsələlər ətrafında müzakirələr aparılır.
Ekspertlər üçtərəfli formatda keçirilən bu görüşləri həm də dünyada hər üç ölkə arasında dostluğun, iş birliyinin, mehriban qonşuluğun nümayişi kimi qiymətləndirir.
