Rusiya şərq sahillərində ilişib qalmış gəmini azad etmək üçün buzqıran gəmini köməyə göndərib. Sonuncu xilas gəmisi Oxotsk Dənizində görüntünü zəiflədən ağır qar yağıntısına görə ləngiyir. Birinci buzqıran gəmi ağır hava şəraiti üzündən geri dönməyə məcbur olmuşdu. İkinci gəmi isə hələ də buzlu dənizdə ilişib qalmış və içərisində 400 sərnişin olan gəmiyə çatmağa çalışır. Rusiya mediası bildirir ki, gəmilərdə kifayət qədər ərzaq, içməli su və yanacaq var.