Rusiya və ABŞ arasında nüvə enerjisi texnologiyasına dair saziş əldə edilib

Rusiya və ABŞ arasında nüvə enerjisi texnologiyasına dair saziş əldə edilib. Razılıq rəsmən ABŞ-ən Rusiyadakı səfiri Con Beyrl və Rusiyanın xarici işlər nazirinin müavini Sergey Ryabkov tərəfindən diplomatik notların mübadiləsindən sonra qüvvəyə minib. Səfir Beyrl sənədin yeni ticarət imkanları yaratmaqla yanaşı, qlobal nüvə təhlükəsinə qarşı mübarizə üçün yeni texnologiyaların əldə edilməsinə xidmət edəcəyini deyib. Razılıq Rusiya və ABŞ şirkətlərinin texnologiya, avadanlıq və digər məhsulların mübadiləsinə imkan yaradacaq. Bu sənəd 2008-ci ildə sabiq prezident Corc Buş tərəfindən imzalansa da, Rusiya-Gürcüstan müharibəsinə görə təxirə salınmışdı.