Accessibility links

Azərbaycan, Türkiyə və Gürcüstan müdafiə sahəsində memorandum imzalayıb


Azərbaycan, Türkiyə və Gürcüstan arasında müdafiə sahəsində Anlaşma Memorandumu imzalanıb

Martın 31-də Türkiyənin Giresun şəhərində Azərbaycanın müdafiə naziri Zakir Həsənov Türkiyənin milli müdafiə naziri Nurəddin Canikli və Gürcüstanın müdafiə naziri Levan İzoriya arasında görüş keçirilib.

Müdafiə Nazirliyinin mətbuat xidmətinin məlumatına görə, görüşdən sonra Azərbaycan, Türkiyə və Gürcüstan arasında müdafiə sahəsində əməkdaşlıq haqqında Anlaşma Memorandumu imzalanıb.

Danışıqlardan sonra keçirilən mətbuat konfransında müdafiə nazirləri müzakirə olunan məsələlər və görüşün yekunları barədə kütləvi informasiya vasitələrinə məlumat verib.

Media qarşısında çıxışı zamanı Z.Həsənov bu formatda növbəti görüşün Azərbaycanda keçiriləcəyini bildirərək həmkarlarını ölkəsinə dəvət edib.

XS
SM
MD
LG