Accessibility links

 Fəxrəddin Aboszoda Azərbaycanın tələbi ilə Moskvada saxlanılıb


Sentyabrın 6-da Moskvanın Lyuberetski rayonunda talış separatçısı kimi tanınan Fəxrəddin Aboszoda (Abbasov Fəxrəddin Fərman oğlu) həbs edilib.

Turan agentliyinin məlumatına görə onun barəsində Azərbaycanın hüquq-mühafizə orqanları tərəfindən Cinayət Məvəlləsinin 281.2, 283.1-ci maddələrində nəzərdə tutulmuş cinayətləri törətmək (ayrı-seçkilik salma və dövlətçiliyə qarşı çağırış) ittihamı ilə axtarış elan olunub.

Sentyabrın 7-də Moskvanın Lyuberetski məhkəməsi onu bir ay müddətinə həbs edib.

Aboszodaya qarşı cinayət işi 12 iyul 2018-ci il tarixində Bakı şəhəri Səbael Rayon Məhkəməsi tərəfindən açılıb və onun barəsində İnterpol xətti ilə beynəlxalq axtarış elan olunub.

1994-cü ilə qədər Fəxrəddin Aboszoda Bakı Dövlət Universitetində dərs deyib, 1993-cü ildə Azərbaycan Respublikasının cənubunda bölücülüyə çağırış edən qanunsuz silahlı dəstənin elan etdiyi “Talış Muğan Respublikası parlamentinin” sədri olub.

1994-cü ildə Rusiyaya mühacirət edib. 2005-ci ildə Azərbaycana qayıdıb və talış dilində qəzet buraxmağa başlayıb, amma yenidən Rusiyaya gedib.

2010-cu ilin sentyabrında Rusiya hakimiyyəti ona müvəqqəti sığınacaq verib, 2014-cü ildə isə o, xarici vətəndaşlıq üçün oturum izni alıb.

Qeyd edək ki, Aboszoda Azərbaycan əleyhinə çıxışları ilə tanınır, Bakını talışların assimilyasiyasında ittiham edirdi. O, həmçinin tez-tez erməni mətbuatında çıxış edir, Azərbaycanı Qarabağın erməni əhalisinin hüquqlarını pozmaqda ittiham edirdi.

Şərhlərə bax (1)

Bu forum qapanıb
XS
SM
MD
LG