BMT-nin Suriya üzrə komissiyasının rəhbəri Suriyaya qarşı silah embarqosunun tətbiqinə çağırıb.
Paulo Sercio Pinheiro deyib ki, o ölkədə silah yarışı dayandırılmalıdır. Braziliyalı diplomat Suriyda bütün tərəflərin insan hüquqlarını pozduğunu və heç kimin bunun məsuliyyətini daşımadığını bildirib.
O, Suriyada vəziyyətin normallaşdırılmasını hərbi əməliyyyatlarda deyil, müzakirələrdə gördüyünü vurğulayıb.
Suriyanın 4-cü ildir davam edən vətəndaş müharibəsinin sonu görünmür.
BMT-nin bildirdiyinə görə, bu müddət ərzində 100 min mülki vətəndaş öldürülüb. 10 milyon suriyalı ehtiyac içərisində yaşayır. 2 milyon adam ölkəni tərk edib. Şəhərlərin əksəriyyəti viran edilib.
