Accessibility links

Syerra-Leonedə yanacaq tankeri partlayıb - nəticədə azı 91 nəfər ölüb


Cümə günü Syerra-Leonenin paytaxtında yanacaq tankerinin qəzaya uğrayaraq partlaması nəticəsində azı 91 nəfər ölüb. Bu barədə mərkəzi morq və yerli rəsmilər məlumat verib.

Hökumət hələ ki, tələfatların dəqiq sayını təsdiqləməyib, ancaq Fritaunda mərkəzi dövlət morqunun meneceri deyib ki, partlayışdan sonra ora 91 cəsəd daxil olub.

Liman şəhərinin meri İvon Aki-Soyer Facebook-da yazdığı yazıda bildirib ki, qurbanlar arasında parçalanmış yük maşınından axan yanacağı toplamağa çalışan insanlar olub.

“O qədər çox tələfat, yanan cəsəd var ki,” Milli Fövqəladə Halların İdarəolunması Agentliyinin başçısı Brima Bureh Sesay hadisə yerində çəkilən videoda bildirib “Bu, faciəvi, faciəvi bir qəzadır.”

İnternetdə yayılan görüntülərdə küçələrdə ağır halda yanan qurbanlar, habelə yaxınlıqdakı mağaza və evlərin yandığı göstərilir. Reuters bu görüntüləri dərhal təsdiqləyə bilməyib.

Aki-Soyer video və şəkilləri “acı” adlandırıb.

Mer deyib ki, vurulan ziyanın miqyası hələ ki, məlum deyil. O əlavə edib ki, polis və onun müavini fövqəladə halların idarəolunması agentliyinin rəsmiləri yardım etmək üçün hadisə yerindədirlər.

“Mən sevdiklərini itirən ailələrə dərin başsağlığını çatdırıram,” Prezident Culius Maada Bio Twitter-də yazıb.

“Hökumətim bundan təsirlənən ailələrə dəstək vermək üçün hər şeyi edəcək.”

Şərhlərə bax

Amerika İcmalı

Amerika İcmalı - 26 Noyabr 2021
please wait

No media source currently available

0:00 0:30:16 0:00
XS
SM
MD
LG