Türkiyənin keçmiş baş naziri Nəcməddin Ərbakan dünyasını dəyişib

Türkiyənin keçmiş baş naziri Nəcməddin Ərbakan 85 yaşında dünyasını dəyişib. Baş nazir Rəcəb Tayyib Ərdoğan cənab Ərbakanı müəllim və lider adlandıraraq, onun xatirəsinin daim yaşayacağını bildirib.

1969-cu ildə böyük siyasətə gəlmiş Nəcməddin Ərbakan 1995-ci ildə Türkiyənin baş naziri olmuşdu. 1997-ci ildə Türkiyə hərbi qüvvələri baş nazir Ərbakanı hakimiyyətdən getməyə məcbur etmişdi. 1998-ci ildə onun Səadət partiyasının fəaliyyəti qadağan edilmişdi.