Ukrayna prezidenti Petro Poroşenko ölkənin şərqində üsyançıların əlində olan bölgələri geri alacağına söz verib. Lakin o, hökumət qüvvələrinin təmkinli olacağını deyib. Cənab Poroşenko bunları hərbi qüvvələrlə görüşmək üçün yaxın vaxtlara qədər üsyançı qalası olan Slavyanska gedərkən söyləyib.
Poroşenko deyib ki, Donetsk şəhərində küçə döyüşlərinın olmaması daha yaxşı olardı. O bunun yalnız şəhər sakinlərinin əhval-ruhiyyəsini pozacağını deyib və Rusiya tərəfdarı separatçıları silahı yerə qoyaraq, sülhə və amnistiyaya çağırıb.
Associated Press-in məlumatına görə, Avropa İttifaqı səfirləri Şərqi Ukraynadakı Rusiya tərəfdarı separatçılara yardım etdiklərinə görə Rusiyaya qarşı sanksiyalar siyahısına 11 yeni ad əlavə edilib. Agentlik qərarın bu həftənin sonunadək qüvvəyə minəcəyini bildirsə də, detallara varmayıb.