Ukrayna ordusunun bazar ertəsi bildirdiyinə görə, keçən gecə Ukrayna ərazilərinə qarşı həyata keçirilən hücumlar zamanı Rusiyaya məxsus 73 pilotsuz təyyarədən 67-ni vurub.
Ukraynanın Hava Hücumundan Müdafiə Qüvvələri pilotsuz təyyarələrlə yanaşı Rusiyaya məxsus üç raketdən birini də vurub.
Ukrayna Hərbi Hava Qüvvələrinin məlumatına görə, pilotsuz təyyarələr Çerkassı, Çernihiv, Dnepropetrovsk, Xarkiv, Kirovohrad, Kyiv, Mikolayiv, Poltava, Sumı, Vinnitsa və Jitomir vilayətləri üzərində vurulub.
Dnepropetrovsk rəsmiləri bazar ertəsi dron və artilleriya hücumları nəticəsində azı 10 evə ziyan dəydiyini bildirib.
Kyiv Şəhəri Hərbi Administrasiyasının rəhbəri Serhiy Popko Ukrayna paytaxtında beş saat ərzində hava xəbərdarlıqlarının aktiv olduğunu, hava hücumundan müdafiə vasitələrinin Kyivə yönələn bütün hücumların qarşısını aldığını bəyan edib.
Rusiya Müdafiə Nazirliyi bazar ertəsi Rusiya-Ukrayna sərhədi boyunca yerləşən Belqorod vilayətində Ukraynanın iki pilotsuz təyyarəsini məhv etdiyini bildirib.
Belqorod qubernatoru Vyaçeslav Qladkovun dediyinə görə, Ukraynanın hücumları nəticəsində bir nəfər ölüb, bir nəfər isə yaralanıb.
Forum