Accessibility links

Vaşinqtonda çörəkbişirmə ənənəsi dirçəlir


Vaşinqtonda çörəkbişirmə ənənəsi dirçəlir
please wait

No media source currently available

0:00 0:03:17 0:00

Vaşinqtonda çörəkbişirmə ənənəsi dirçəlir

Vaşinqtonda yeni açılan çörəkçi dükanı çörək bişirilməsinə yeni yanaşma irəli sürüb. O, yaxınlıqda bitən taxildan istifadə edir və onu elə dükandaca üyüdür. "Seylou" yoluna musiqiçi kimi başlayan və çörək bişirən gəncin macərasının kuliminasiyasıdır.

Seylou Vaşinqtonda çörək bişirmə sahəsinə ən yeni əlavədir. Seylou Qərbi Afrika dilində əzəmətli quş deməkdir.

Seylou 15 il əvvəl həmsahib Conatan Bethoninin Senaqala səfərindən sonra ilhamlanaraq açılıb.

Musiqi tələbəsi olan Conatan Qərbi Afrikaya uyğun nağara çalmaq üsulunu öyrənməyə getmiş, lakin yerli fermerlərin işləri ilə daha çox maraqlanmağa başlamışdı. O, ac qalmış kəndlilərə kömək etmək istəyib. ABŞ-a geri döndükdən sonra o, restoranlarda işləməyə başlamış və özündə bişirməyə böyük həvəsi aşkar etmişdir.

Əsas komponentlərdən olan taxıl, yerli fermalardan təzə yığılıb.

Çörək mağazasının həmsahibi olan Conatan Betini deyir ki, onlar təqribən 20-yə yaxın müxtəlif növ dənli bitkilərdən istifadə edirlər. Onların hamısı orqanikdir.

Conatan onların hamısını elə burada üyüdür, Vaşinqton ərazisində bu, yeganə bu növ yerdir. Conatan təzə üyüdülmüş buğdanın çörəklərə verdiyi ətri və dadı çox sevir.

Betoninin çörək bişirməyə xüsusi yanaşması “İdeal Çörək axtarışında” kitabının yazarı Sem Fromartzın diqqətini çəkib. O deyir ki, hansı buğda növünü necə üyütməyi bilmək və hansı növ çörəyin bişirilmsində istifadə etmək çörək növlərinə xüsusi dad və quruluş verir.

Kulinariya kitablarının müəllifi və kritik Sem Fromartz deyir ki, Conatan üyüdəcəyi hər toxum dəstəsini ayırır. Xüsusi taxıl növündən olan un həqiqətən tez fermentlənə bilər. Digəri isə vaxt tələb edər. Bir növ müəyyən bir çörək növünə, məsələn baqetə uyğun ola bildiyi halda, digəri uygun olmaya bilər. Beləliklə o, bir növ komponentlərlə oynayır, onları bir-birinə qarışdırır və uyğun olanı tapır. Bu, prosesə əlavə iş qatır.

"Seylou" ölkədə 100 faiz tam buğdadan buğda çörəyinin pişirildiyi bir neçə yerdən biridir. Burada bişirilən xəmir məmulatları da tam buğdadan hazırlanır və ağ şəkər tozundan istifadə edilmir.

Betoni bunu özü kimi düşünən insanlarla əhatə edərək edir: qeyri-ənənəvi maddələrlə işləməyə çalışan qənnadı şefi, müəllim və yoga müəllimi olan iş ortağı həyat yoldaşı.

Mağazanın həmsahibi Cessika Azeez deyir ki, bu qapıdan keçən bütün məşhur insanları görmək, əməkdaşlarımızla, fermerlərlə görüşmək və işləmək çox gözəl bir imkandır.

Seylou” nun çörəkləri çox qidalıdır, təbii minerallar, vitaminlər və təbii turşularla zəngindir. Lakin müştəriləri geri gətirən daddır.

Müştəri Nooni Reatiq söyləyir ki, çörəyi yeyən zaman eyni anda o qədər şey baş verir ki, sözlə ifadə etmək çətindir. Çörəyi dişlədiyi zaman qirağı xırçıltılı olsa da içərisi çox yumşaqdır.

Betoni hər çörəyi əllə formalaşdırıb, odunla qalanmış sobada bişirir. Hər çörəyi bişirmək 36 saata yaxın vaxt alır. Bu, uzun səbr və sevgi tələb edən prosesdir. Lakin müştərilər deyirlər ki, gözləməyə dəyər.

XS
SM
MD
LG