İyun ayının 1-i İtaliyanın Venesiya şəhərindəki Palazzo Benzonda sarayında 54-cü Beynəlxalq Təsviri İncəsənət Sərgisi nümayiş etdirilib. Artıq 3-cü dəfədir ki, Azərbaycanın görkəmli sənətkarları da bu sərgidə öz əsərlərini nümayiş etdirir. Hər dəfə olduğu kimi, bu il də sərgiyə ad verilmişdi. Builki sərginin adı “İlluminasiya”, yəni “Xalqların İşığı” idi.
Əsərlərinin “Relational of Baku” pavilyonunda Azərbaycan rəssamları Bakıya məxsus gerçəkliklər, bu şəhərlə bağlı xatirələr və emosiyaları nümayiş etdirməyə çalışmışdılar. Sərgidə iştirak edən Azərbaycan rəssamları arasında Nyu-Yorkda yaşayan həmyerlimiz Ağa Hüseynov də var idi. Ağa Hüseynov "İlüminasiya" adlı bu sərgidə əsas məqsədin müxtəlif xalqların, müxtəlif mədəniyyətlərin bir-biri ilə əlaqə yarada bilməsi olduğunu və sərgidə milli pavilyonların yer aldığını deyir.