Yəmən prezidenti Əli Abdulla Saleh müxalif qəbilə başçısının həbsinə göstəriş verib

Yəmən prezidenti Əli Abdulla Saleh müxalif qəbilə başçısının həbsinə göstəriş verib. Şeyx Sadiq Əl-Əhmər bazar ertəsi günü hökumət qüvələri ilə nümayişçilər arasında ölümlə nəticələnən qarşıdurmalara görə günahlandırılır. Yəmənin Müdafiə Nazirliyi onun həbsinə bu gün sərəncam verib. Əl-Cəzirə tele-kanalına müsahibəsi zamanı Əhmər president Salehi Yəməni vətəndaş müharibəsinə sürükləməkdə ittiham etmişdi. Bu gün davam edən iğtişaşlar nəticəsində 50 adam öldürülüb. Paytaxt Sananın silah anbarında baş verən partlayış səbəbi ilə 28 adam həlak olub. Associated Press bildirir ki, müxalifət partlayışa hökumət qvvələrinin hücumunun səbəb olduğunu deyir.