Konqres Rusiyanın ABŞ seçkisinə müdaxiləsini daha dərindən araşdıracaq

ABŞ Konqresi Rusiyanın ötən ilki prezident seçki kampaniyasına müdaxiləsini araşdırmağa davam edir. Çərşənbə günü Senat və Nümayəndələr Palatasında iki dinləmə keçiriləcək. Qanunvericilər prezident Donald Trampın Rusiya istintaqında ədaləti əngəlləmək üçün hər hansı bir addım atıb-atmadığına dair fərqli fikirlərə sahibdilər. Bəzi deyilənlərə görə, bu məsələ keçmiş FBI direktoru Robert Muellerin apardığı xüsusi istintaqın diqqət mərkəzində yer alır.