Amerikanın Minniapolis şəhərində 6 müsəlman sərnişinin təyyarədən çıxarılması böyük mübahisələr doğurub. Amerikanın Vest hava yolları şirkətinin rəsmilərinin bildirdiyinə görə, 6 müsəlman ruhani özünü şübhəli aparırmış. Həmin gün digər bir şirkət US Airways tərəfindən də qəbul edilməyən sərnişinlər diskriminasiya qurbanı olduqlarını iddia edirlər. Ruhanilərin şübhəli davranışına onların ərəbcə dua oxuması və onlardan birinin təhlükəsizlik kəmərinin genişləndirilməsi xahişi səbəb olub. Hadisə müsəlman liderlərin qəzəbi ilə qarşılanıb.