Birmada siklon nəticəsində dağılmış bölgərlədə BMT baş katibi Ban Ki Mun ölkə liderlərini ehtiyacı olan iki milyon yarım insan üçün beynəlxalq yardımı qəbul etməyə çağırıb. Cənab Ban bu gün Birmanın baş naziri general Tein Seinlə görüşdükdən sonra vertolyotla siklonun dağıntılara məruz qoyduğu regiona səfər etmişdir. Ranqunda keçirilən görüş zamanı cənab Ban xilasetmə işçiləriin regiona yardımı çatdıra bilməməsindən dərin narahtlığını ifadə etmişdir. O, Birmanın təbii fəaləkətin nəticələrini tək aradan qaldıra bilməyəcəyini vurğulayaraq, beynəlxalq yardıma ehtiyac olduğunu bildirmişdir.