Avropa İttifaqı Serbiyanın Sosialist və Demokrat partiyalarının
koalisiya haqda razılığını avropasayaq bir hökumət yaradılmasına real
imkan adlandırıb. Qurumun genişlənmə üzrə nümayəndəsi Olli Rehn bu gün
Brüsseldə müxbirlərlə görüşü zamanı deyib ki, yeni koalisya hökiməti
ilə əməkdaşlığı səbirsizliklə gözləyir. O, Avropa İttifaqının Serbiyada
islahatlara açıq bir idarəçiliyi çoxdan arzuladığını bildirib.
Serbiyanın Sosialist partiyası rəqib Demokrat partiyası ilə birgə
prezident Boris Tadiçin təşkil etdiyi koalisya hökumətinə qoşulmaq
haqda razılığı dünən əldə edib.