İraq
rəsmilərinin sözlərinə görə, ölkənin 2 bölgəsində baş verən partlayışlar
nəticəsində 13 nəfər həlak olub. Buraya İraq kürd rəsmisinə qarşı hücumda ölən
7 nəfər də daxildir. Polisin sözlərinə görə, bu gün İraq Kürd Partiyası
Vətənpərvəklik Birliyinin ali üzvü Məhəmməd Ramazanı daşıyan konvoy Diyala
vilayətində yolkənarı bombaya düşüb. Rəsmilər deyir ki, partlayış Ramazanın 5
ailə üzvünün və 2 mühafizəçisinin həyatına son qoyub. Ramazan da daxil olmaqla
digər 4 nəfər isə yaralanıb. Başqa bir məlumatda deyilir ki, avtomobilin
partlaması nəticəsində 6 nəfər həlak olub, 14 nəfər isə yaralanıb. Rəsmilərin
sözlərinə görə, paytaxtın Şaab məhəlləsindəki polis məntəqəsinə edilən hücum
nəticəsində yaralananların 3-ü polis işçisidir.