Rəsmilər
deyir ki, Hindistanın qərb şəhərində 12-dən çox bomba partlayışı nəticəsində 10 nəfər həlak
olub, 50 nəfər isə yaralanıb. Bu partlayışlar Banqalor şəhərində kiçik bomba
partlayışından bir gün sonra baş verib. Hindistan rəsmisi Şakil Əhmədin
sözlərinə görə, partlayışlar bu gün Qujarat ştatının Əhmədabad şəhərində həyata
keçirilib. Cənab Əhməd deyib ki, dünən baş verən partlayışdan sonra
təhlükəsizlik tədbirlərinin artırılmasına baxmayaraq baş verən bugünkü
partlayışlar onu şoka salıb. Qeyd edək ki, dünənki partlayış zamanı 1
nəfər həlak olmuş, 6 nəfər isə
yaralanmışdı. Hücumun məsuliyyətini öz üzərinə götürən olmayıb. Hindistanın
digər şəhərlərində baş verən oxşar partlayışlarda İslamçı militantlar ittiham
olunur.