Əfqan
rəsmilərin sözlərinə görə, Loqar vilayətində silahlılar pusqu quraraq,
beynəlxalq yardım işçisi olan 3 qadını və onların sürücüsünü qətlə yetirib.
Vilayət qubernatoru Abdulla Vardak deyir ki, Taliban yaraqlıları konvoya atəş
açan zaman Beynəlxalq Xilasetmə Komitəsinin əməkdaşları Əfqanıstan paytaxtı
Kabilə səfər edirdilər. Baş qərargahı Nyu-Yorkda yerləşən komitənin sözçüsü
Melissa Vinklerin bildirdiyinə görə, qrup ailələrin sayıqlığı üzərində iş aparırdı
və yaxın günlərdə hesabat açıqlanacaqdı. Təşkilat Əfqanıstanda qaçqınlarla
işləyir. Ayın əvvəlində isə yardım agentikləri ölkədə təhlükəsizliklə bağlı
vəziyyətinin pisləşdiyini və bu il ən azı 19 yardım işçisinin öldürüldüyünü
bildirmişdi.