“Azərbaycan Rusiyanın Gürcüstandakı
konfliktlərə münasibətindən nəticə çıxarmalıdır”. Bunu “Amerikanın səsi”nə
müsahibəsində Gürcüstan Stratejı və Beynəlxalq Tədqiqatlar fondunun eksperti
politoloq Arçil Gegeşidze bildirib.
Cənab
Gegaşidze deyib ki, Moskvanın Gürcüstan üzündən Qərblə toqquşması Kremlin
əlindən bir çox kartları alıb. Belə ki, Rusiya Qərbi Qafqazdakı münaqişələrlə
şantaj edirdi.
Gürcü politoloqun fikrincə, Moksva Qarabağ və Dnestryanı ərazidə etdiyi
kimi, bir vaxtlar Gürcüstanda da nizamlamaya bənzər addımlar ataraq çalışırdı
ki, Tbilisini öz arxasınca süründürsün. Və bununla regionun gənc demokratik
ölkələrinin Avropa perspektivlərinin və Avroatlantik seçiminin üstündən bir
xətt çəksin.
Amma indi - deyir Gegelaşvili -
Rusiya Gürcüstanın təxribatlara cavablarını fürsət bilərək, bu ölkəyə soxulub,
onun hərbi infrastrukturunu faktiki olaraq darmadağın edib.
"Müharibə hələ bitməyib - Informasiya müharibəsi davam edir. Rusiya
burada özbaşınalıq edir. Bütün kommunikasiyalar və əsas hərbi obyektlərə
nəzarət birbaşa olmasa da, faktiki olaraq onların əlindədir. Rusiya Potidən də,
Qoridən də buna görə çıxmır. Hara əli çatır - bombardman edir ki, hərbi
infrastrukturu ləğv edərək Gürcüstanı azı 3-4 illik gücsüz və Rusiyaya cavab
verə bilməyəcək vəziyyətdə saxlasın".
Gegeşidzeyə görə, Rusiyanın hədəfi budur ki, bölgənin NATO-ya rəsmi
inteqrasiyası gündəlikdən çıxsın və Kreml daha bu məsələlərdə ehtiyatlanmasın.
Onun fikrincə, Moskva buna bənzər münasibəti vaxtı ilə Balkanlarda da ortaya
qoyub, lakin heç orada da onun xeyri olmayıb. Belə ki, son nəticədə Qərb
müdaxilə etdi və məsələləri öz nəzarətinə götürdü.
Politoloq deyir ki, Rusiya indi yenə özünü kifayət qədər güclü hiss
edərək, Qərblə bu bölgədə və
Ukraynada qarşı qarşıya gəlmək niyyətini ortalığa qoyub. Onun firkincə,
indi yenə sıra Qərbdədir. Belə ki, Amerikanın vitse-prezidenti Dik Çeyninin
keçən həftə Azərbaycan, Gürcüstan və Ukraynaya səfəri ABŞ-ın bu ölkələrə
dəstəyini ortaya qoyub:
"Çeyninin səfəri çox böyük səfər idi. Amerika bununla Gürcüstana tam
dəstəyini ifadə etdi. Vitse-prezidentin səfər marşrutu da göstərdi ki, Qərb öz
maraqrını sona kimi müdafiə edəcək. Bizim ölkələr çox vacib enerji koridoru
təşkil edirlər. Qərb bunu cavabsız qoymayacaq. İndiki halda Gürcüstanın
iqtisadiyyatına dəstək təşəbbüsləri olduqca vacibdir. Amerikanən Tbilisiyə
ayırdığı 1 milyard dollarlıq yardım paketi yaxşı vəsaitdir. Bunula yanaşı,
Amerika biznesi də gələcəkdə bura investisiya qoymaqdan çəkinməməlidir".
Gürcü
politoloq deyib ki, hazırda regionda vəziyyət kifayət qədər ciddidir və bundan
bütün ölkələr, o cümlədən Azərbaycan nəticə çıxarmalıdır.