Hindistan
seçki komissiyasının
açıqlamasına görə, Kəşmir yeni hökumətin formalaşması üçün seçkiləri noyabr
ayında keçirməyə başlayacaq. Kəşmir iyul ayından bəri federal qanunlar altında
idarə olunur. Bu, müsəlmanların çoxluq təşkil etdiyi regionda Hindistan
əleyhdarlarının yeni nümayişləri ətrafındakı mübahisələr səbəbilə hökumətin
dağılmasından sonra baş verib. Komissiya deyir ki, səsvermə noyabrın 17-dən
dekabrın 24-dək keçiriləcək. Kəşmirin Hindistandan ayrılmasını istəyən
separatçılar seçkilərin əleyhinədir. Son aylar Hindistan Kəşmiri 1989-cu ildən
bəri müstəqillik tərəfdarlarının ən böyük etiraz aksiyalarına səhnə olub. Separatçılar
1989-cu ildə Kəşmirin müstəqillik əldə etməsi və ya Pakistana birləşdirilməsi
uğrunda mübarizəyə başlayıb.