Gürcüstan müxalifətinin on minlərlə tərəfdarı ölkənin
müstəqillik gününü qeyd və prezident Mixail Saakaşvilinin istefasını tələb
etmək üçün Tbilisidə yürüş keçirib. Əvvəlcədən planlaşdırılmış bugünkü
yürüş nümayişlərlə paradın üst-üstə düşməməsi üçün ənənəvi hərbi paradı təxirə
salıb. Artıq bir aydan çoxdur ki, etirazçılar Tbilisi küçələrini bağlayıblar.
Cənab Saakaşvilini keçən il Rusiya ilə faciəvi müharibəyə və hökuməti qeyri-demokratik
siyasətinə görə tənqid edən müxalifət prezidentin istefasını tələb edir. Dünən
ABŞ və Avropa Birliyinin açıqladığı birgə bəyanatda Gürcüstan hökuməti və
müxalifəti təcili şəkildə qeyd-şərtsiz danışıqlara başlamağa çağırılıb.