Qırğızıstan
ABŞ-a Əfqanıstanda əməliyyatları üçün əsas bazadan istifadəni davam etdirməyə
icazə verən sazişi rəsmi şəkildə təsdiq edib. Prezident Qurmanbek Bakiyevin
idarəsi bu gün prezidentin bu qanuna imza atmasını bildirən bəyanat hazırlayıb.
Bu addım Qırğızıstanın fevral ayında açıqladığı qərarın əksidir. Hazırkı
razılaşma Birləşmiş Ştatlara illik 60 milyon dollar icarə haqqı müqabilində
Manas hərbi hava bazasında fəaliyyətini bərpa etməyə icazə verir. Bu məbləğ
əvvəlki sazişlə müqayisədə 3 dəfə çoxdur. Qeyd edək ki, ay ərzində Manas bazası
vasitəsilə 15 min əsgər və 500 tonlarla təchizat göndərilir. ABŞ-ın
Əfqanıstanda hərbi öhdəliyini genişdirməsi səbəbilə bu rəqəmin carı ildə kəskin
şəkildə artması gözlənilir.