İndoneziya polisi deyir ki, bu gün paytaxt
Cakartanın iki yüksək səviyyəli mehmanxanasında baş vermiş güclü partlayışlar nəticəsində 9 nəfər həlak olub, ən azı 50
adam isə xəsarət alıb. İndoneziya təhlükəsizlik nazirinin sözlərinə görə,
Ritz-Karlton və Marriot hotellərində güclü partlayıcı maddələr işə salınıb.
Hökumət rəsmiləri deyir ki, qurbanların çoxu əncəbilərdir. Bombalar
Ritz-Karlton mehmanxanasının yanında və Marriot hotelinin zirzəmisində
yerləşdirilib. Daha sonra isə Marriot hotelinin içərisindən partlamamış bir
bomba tapılıb. Cakarta polis rəisi deyir ki, hücumu həyata keçirənlər mehmanxanada
qonaq qismində qalıblar. Hadisəni terror
aktı kimi qiymətləndirən president Susilo Bambanq Yudoyono məsuliyyət
daşıyanların tezliklə həbs olunacağını bildirib.