Rusiya prezidenti Dmitri Medvedyev Gürcüstanla münaqişənin mərkəzində yer alan separatçı regionlara dəstəyini bir daha
təkrar edib. Bu gün Rusiyanın cənubundakı hərbi bazada mərasimə qatılan cənab
Medvedyev 5 günlük müharibə zamanı döyüşən əsgərlər və zabitlərə medallar
təqdim edib.Rusiya prezidenti deyib ki, ölkəsinin Cənubi Osetiya və Abxaziyanın
müstəqilliyinin tanıması qərarı dəyişməzdir. Gürcüstan prezidenti Mixail
Saakaşvili müharibənin anım mərasimində Rusiyanı Gürcüstanın mütəqilliyi və
demokratiyasını məhv etmək cəhdində günahlandırıb. Bir il keçməsinə baxmayaraq,
müharibəni kimin başlatdığı barədə mübahisələr hələ də davam edir.