ABŞ
prezidenti Barak Obama 25 dekabrda Amerika təyyarəsində hücum cəhdinin ardınca
ölkəsinin terrorizm əleyhinə siyasətində islahatları açıqlamağa hazırlaşır.
Cənab Obama yeni ölçüləri bu gün milli təhlükəsizlik komissiyasının üzvləri ilə
görüşdən sonra bəyan edəcək. O, nigeriyalı şəxsin Northwest hava yolları
şirkətinə məxsus təyyarədə partlayıcı maddəni işə salmaq cəhdini müzakirə etmək
üçün rəsmiləri Ağ Evə dəvət edib. Prezident təhqiqatla bağlı son yenilikləri
Federal Təhlükəsizlik Bürosunun direktoru Robert Müller və 23 yaşlı
nigeriyalının məkhəmə işinə dair detallı məlumatı Baş prokuror Erik Holderdən
əldə edəcək. Daxili Təhlükəsizlik naziri Canet Napolitano isə terrorçuların saxlanılması
üsulları ilə bağlı hesabatı təqdim edəcək.