Birləşmiş Ştatların təqaüddəki generalı Vesli Klarkın 2004-cü il prezident seçkilərində iştirak etmək qərarı demokrat partiyasından prezidentliyə namizədlərin sayını 10-a çatdırıb. Generala yaxın mənbələrin bildirdiyinə görə, cənab Klark partiyasından namizədliyini rəsmən sabah Arkanzas ştatının Litltle Rok şəhərində e’lan edəcək. Bə’zi siyasi təhlilçilərin fikrincə,generalın hərbi təcrübəsi prezident Buşun müharibə dövründə silahlı qüvvələrin baş komandanlıq imtiyazı ilə qarşılaşdırıla bilər. Bu gün Şimali Koralina ştatından demokrat senator Con Edvars da prezident yarışlarında iştirak edəcəyini e’lan edib.