Birləşmiş Ştatların hərbi qüvvələrinin İraqdakı rəsmiləri Fallucanın nəzarətini İraqın yeni təşkil olunmuş təhlükəsizlik qüvvələrinə həvalə etmək üçün hərbi dəniz qüvvələrinin əsgərlərinin şəhərdən çəkilməsi haqda planı müzakirə edirlər. Plana əsasən, Səddam Hüseynin ordusunun keçmiş dörd generalı min yüz nəfərdən ibarət qüvvəyə başçılıq edəcək. Yeni hərbi qüvvə ABŞ dəniz qüvvələri şəhəri tərk etməyə başlayanda Falluca ətrafında kordon yaradacaq. Koalisiya qüvvələri və İraq yaraqlıları arasında döyüşlərdə isə 10 əsgərin öldüyü xəbər verilir.