İndoneziya prezidenti Susilo Bambanq Yudhoyono Avstraliyaya səfərə gəlib. Bu səfər ötən həftə İndoneziyada zəlzələnin baş verməsi və Avstraliyalı xilasedici helikopterin qəzaya uğraması kimi hadisələrin fonunda cərəyan edir. Avstraliya baş naziri Con Hovard İndoneziya rəhbərini bu gün Kanberra hava limanında qarşılamışdır. İki lider sabahdan danışıqlara başlayacaqlar. Bu görüşün əsas məqsədi İndoneziyaya təbii fəlakətlər zamanı yardım etmiş Avstraliya ilə sıx əlaqələrin yaradılmasıdır.