Accessibility links

Maliyyə-Bank Şurasının rəhbəri Anatoli Kazakov bildirib ki, Maliyyə-Bank Şurası Maliyyə-Bank İttifaqına çevrilməlidir

Noyabrın 15-də Bakıda MDB ölkələrinin @MDB-nin maliyyə bazarları: yeni imkanlar və qlobal risklər» ikigünlük V Bank Konfransı öz işinə başlayıb.

Konfransın açılışında MDB-nin Maliyyə-Bank Şurasının Koordinasiya Şurasının sədri Anatoli Kazakov bildirib ki, MDB maliyyə strukturları arasında inteqrasiyanı gücləndirmək üçün Maliyyə-Bank Şurası Maliyyə-Bank İttifaqına çevrilməlidir.

"Qarşılıqlı ticarətin və investisiyaların dərinləşməsi MDB məkanında vahid valyutaya keçidi stimullaşdırır. Moskvadakı Beynəlxalq Maliyyə Mərkəzi bu prosesdə mühüm rol oynayır, hələlik ilkin mərhələdə MDB-nin maliyyə mərkəzi qismində çıxış edəcək. Bakı, Alma-Atı və Kiyevdə regional mərkəzlər yaradılmalıdır. Buna vaxt lazımdır, 2020-ci ilə kimi belə Mərkəz yarana bilər”.

Forumda MDB, Asiya, Avropa, ABŞ-dan maliyyə institutlarının 200-dən çox nümayəndəsi iştirak edir.

Bundan başqa, konfrans çərçivəsində keçiriləcək plenar iclaslarda hazırda davam edən qlobal böhran şəraitində MDB maliyyə bazarlarının dayanıqlığının ehtiyatlarını artırmaq, investisiya sahəsində MDB ölkələrinin bir-biri ilə və Vahid iqtisadi məkana üzv olan ölkələrlə əməkdaşlıq perspektivləri, Xəzəryanı maliyyə bazarlarının potensialı və inteqrasiya perspektivləri, islam bankçılığı və s. məsələlər ətrafında da müzakirələr aparılacaq.
XS
SM
MD
LG