2017-ci il Eurovision mahnı müsabiqəsində Azərbaycanı Diana Hacıyeva təmsil edəcək.
Bu barədə İctimai Televiziya məlumat yayıb.
Məlumatda deyilir ki, bu barədə dekabrın 5-də 2017-ci ilin “Eurovision” mahnı müsabiqəsində Azərbaycanı təmsil edəcək ifaçının müəyyənləşdirilməsi üzrə münsiflər heyəti qərar qəbul edib.
Diana Hacıyeva Bakı Musiqi Akademiyasını bitirib. O hazırda Bakı Caz Mərkəzində çalışır. Diana Hacıyeva 2010-cu ildə “Eurovision-2011”in seçim turlarında iştirak edib.
“Eurovision 2017” mahnı müsabiqəsinin final mərhələsi bu il mayın 13-də Kiyevdə keçiriləcək. Müsabiqədə 43 ölkə iştirak edəcək.
“Eurovision-2016” müsabiqəsinin qalibi “1944” mahnısı ilə ukraynalı müğənni Camala olub.
