Cənubi Afrika Respublikasının Durban şəhərində keçirilən iqlim sammiti gözlənildiyindən uzun sürüb. Nümayəndə heyətləri iqlim dəyişikliyi ilə bağlı bəzi razılıqların dəyişikliyə yol açacağına şübhə ilə yanaşır.
200 ölkəni təmsil edən nümayəndələr müzakirələri gecə boyu davam etdirib. Müzakirə mövzularına Kioto Protokolunun daha 5 il müddətinə uzadılması da daxildir. Protokola əsasən hökumətlər istixana qazlarını azaltmalıdır. ABŞ, Çin və digər bir neçə ölkə protokolu qəbul etmir.