Əfqanıstandakı Britaniya konsulluğunda partlayış olub

Əfqan rəsmiləri Kabildə iki intiharçı hücumu və bir silahlı hücum nəticəsində azı doqquz nəfərin həlak olduğunu deyir. Hətta intiharçı hücumundan bir neçə saat sonra güllə səsləri hələ də eşidilirdi. Britaniya konsulluğunun daxilində bir neçə partlayış səsləri eşidilib. Lakin Britaniya Xarici İşlər Nazirliyinin rəsmisi Alistair Burt hadisədə britaniyalıların xəsarət almadığını və indi vəziyyətin təhlükəsiz olduğunu bildirib. Taliban hücuma görə məsuliyyəti öz üzərinə götürüb.