Əfqan rəsmiləri Helmand vilayətinin Laşkar Qah şəhərində intiharçı avtomabil hücumunun azı iki nəfəri öldürdüyünü deyib. Avtomabildə yerləşdirlimiş partlayıcı qurğu polis məntəqəsinə yaxın izdihamlı küçədə partlayaraq 10 polis zabiti də daxil olmaqla azı 26 nəfəri yaralayıb. Hadisəyə məsuliyyəti Taliban öz üzərinə götürüb. Laşkar Qah iyul ayında nəzarət xarici qüvvələrdən əfqan qüvvələrinin tabeçiliyinə keçən yeddi ərazidən biridir. Hadisə ABŞ-ın Kabildəki səfirliyinə aid binada bir amerikalının ölümü və başqa birinin yaralanmasından bir gün sonraya təsadüf edib.
Əfqanıstanın Laşkar Qah şəhərində intiharçı partlayış törədib
- Amerikanın səsi
