Baş nazir Vladimir Putinin hakim Vahid Rusiya partiyası Rusiyada regional seçkilərdə qalib gəlib. Amma səsverməyə gələnlərin sayı 50 faizdən aşağı olub. Vahid Rusiya partiyası 12 regional parlamentlərin hamısında qələbə çalıb. Cənab Putin nəticələri “xeyli qənaətbəxş” adlandıraraq bunu rus xalqının hökumətə olan etimadının göstəricisi kimi qiymətləndirib. Qələbəyə baxmayaraq Vahid Rusiya verilən səslərdən cəmi 46 faizini toplaya bilib. Partiya hazırda regional parlamentlərdə yerlərin 68 faizinə nəzarət edir. Kommunist Partiyası isə regional qanunverici orqanlarda 13 faizə malik olacaq.
Rusiyada hakim Vahid Rusiya partiyası yerli seçkilərdə qələbə çaldı
