İstanbulun Vezneciler bölgəsində içərisində xüsusi təyinatlı polislərin olduğu nəqliyyat vasitələrinə silahlı hücum olub.
İstanbul valisi Vasip Şahin hücum zamanı törədilən partlayışlar nəticəsində 7 polis əməkdaşının və 4 mülki şəxsin həlak olduğunu bildirib. Hücum nəticəsində 36 nəfər yaralanıb. Yaralılardan üçünün vəziyyəti ağırdır.
Hazırda hadisə ilə əlaqədar təhqiqat aparılır. Bölgəyə təhlükəsizlik qüvvələri cəlb olunub.
TRT televiziyasının məlumatına görə, ölənlərdən biri azərbaycanlıdır.
Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev Amerikanın Səsinə bildirib ki, KİV-lərdə yaralandığı və ya öldüyü deyilən şəxsin Azərbaycan vətəndaşı olması faktı Azəırbaycanın İstanbuldakı Baş Konsulluğu tərəfindən araşdırılır.
