Accessibility links

Azərbaycan həbsdə olan jurnalistlərin sayına görə 10 ölkənin sırasındadır


Beynəlxalq Jurnalistləri Müdafiə Komitəsi_logo
Beynəlxalq Jurnalistləri Müdafiə Komitəsi_logo

Dünya üzrə həbsdə olan jurnalistlərin sayı 2012-ci il dekabrın 1-i üçün 232 nəfərə çatıb. Bu da 2011-ci ilin göstəricisindən 53 nəfər çoxdur

Dünyada həbs olunan jurnalistlərin sayı rekord səviyyəsinə çatıb. Bu barədə Beynəlxalq Jurnalistləri Müdafiə Komitəsinin (BJMK) hesabatında deyilir.

Bu göstərici 1990-cı ildən maksimum həddə çatıb. Ən pis vəziyyət Türkiyədədir. Komitə müəyyən edib ki, bütün dünya üzrə həbsdə olan jurnalistlərin sayı 2012-ci il dekabrın 1-i üçün 232 nəfərə çatıb. Bu da 2011-ci ilin göstəricisindən 53 nəfər çoxdur.

Mətbuat işçilərini həbs edən ölkələrin hər birinin hakimiyyəti dissident siyasi baxışları, o cümlədən etnik azlıqların fikirlərini boğmaq üçün dövlət əleyhinə fəaliyyət haqqında qanunlardan geniş istifadə ediblər. 2012-ci ildə jurnalistlərə qarşı ən çox irəli sürülən ittihamlar dövlət əleyhinə fəaliyyət, terrorizm, xəyanət və pozuculuq fəaliyyəti ilə bağlı olub.

Bu cür hallar ən çox Türkiyədə, İranda və Çində yayılıb. Eritreya və Suriya da bu göstərici üzrə dünyanın ən pis ölkələrinin sırasına daxil olub. Dünya üzrə 63 jurnalist ilkin ittihamlar olmadan həbs altındadır. Bu sahədə 10 ən pis ölkə qrupunu Vyetnam, Azərbaycan, Efiopiya, Özbəkistan və Səudiyyə Ərəbistanı tamamlayır. Həmin qrupa daxil olan iki ölkədə Azərbaycan və Özbəkistanda hakimiyyət tənqidi əhval-ruhiyyəli jurnalist və redaktorların həbsi üçün narkotik maddələrin saxlanması və xuliqanlıq ittihamlarından istifadə edib.

Türkiyədə 49 nəfər KİV işçisi həbsdədir. Həbslərə səbəb kürd təşkilatlarının fəaliyyətinin işıqlandırılması, həmçinin hakim partiyanın fəaliyyəti haqda incə mövzuların araşdırılmasıdır.
İranda 45 jurnalist həbsdədir. Onların həbsi 2009-cu ilin qalmaqallı prezident seçkilərindən sonra başlayıb.

Çində 32 jurnalist-blogerdən çoxu dövlət əleyhinə fəaliyyətə görə mühakimə olunub. Onların 19-u 2008-ci ildə Sintszyanda baş vermiş etnik münaqişəni işıqlandıran tibetli və uyğurlardır.
Siyahıda 7-ci olan Azərbaycan hakimiyyəti Bakıda iki böyük tədbirin – Eurovision -2012 mahnı müsabiqəsinin və İnternet İdarəçiliyi üzrə Qlobal Forumun keçirilməsi zamanı dissidentləri sərt şəkildə təqib edib. 9 jurnalist müxtəlif ittihamlarla həbsə alınıb.

BJMK hesab edir ki, narkotik maddənin saxlanması və zorla pul tələb edilməsi ittihamları peşə fəaliyyətinə görə jurnalistləri cəzalandırmaq üçün uydurulub.

10 ölkədən ibarət siyahını Özbəkistan və Səudiyyə Ərəbistanı bağlayır.

Dünyaya Baxış

Dünyaya Baxış. Rusiya Belqorodda Ukraynanın hava hücumunun qarşısını aldığını bildirib
please wait

No media source currently available

0:00 0:12:17 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG