Accessibility links

Vaşinqtonda Dağlıq Qarabağ münaqişəsi barədə diskussiyalar keçirilib


Vaşinqtonda Dağlıq Qarabağ münaqişəsi barədə diskussiyalar keçirilib

Vaşinqtonda Dağlıq Qarabağ münaqişəsi barədə diskussiyalar keçirilib

Tədbir Açıq Cəmiyyət Fondunun Avrasiya məsələri üzrə şərhçisi Ceff Qoldsteyn, Karneqi Fondunun Rusiya və Avrasiya proqramının eksperti Tom de Vaal, ATƏT-in Minsk qrupunun sabiq həmsədri, Kentuki universitetinin professoru səfir Keri Kavanonun iştirakı ilə keçirilib

Vaşinqtonda yerləşən Karneqi Sülh Fondunun təşəbbüsü ilə Dağlıq Qarabağ münaqişəsinin sülh yolu ilə həllinin tarixi və gələcək perspektivləri mövzusunda müzakirələr təşkil edilib. Tədbir Açıq Cəmiyyət Fondunun Avrasiya məsələri üzrə tətlilçisi Ceff Qoldsteyn, Karneqi Fondunun Rusiya və Avrasiya proqramının eksperti Tom de Vaal, ATƏT-in Minsk qrupunun sabiq həmsədri, Kentuki universitetinin professoru səfir Keri Kavanonun iştirakı ilə keçirilib.

ABŞ hələ on il əvvəl Florida ştatının Ki Vest şəhərində Dağlıq Qarabağ münaqişəsinin həlli səylərində yaxından iştirak edib. O vaxtdan bəri uzun müddət keçib. 2010-cu il sülh prosesində ən ağır il olub. Bəzi ekspertlər münaqişənin yenidən baş qaldıracağını təxmin edir.

"Amerikanın səsi" nin işıqlandırdığı tədbirdə hər üç ekspert münaqişənin həlli yollarına bir daha nəzər salıb. Səfir Keri Kavano bölgədəki zorakılıqların sülh prosesini ləngitdiyini bildirib. Prosesin tarixinə nəzər salan Kavano yol verilən səhvlər və itirilmiş imkanlardan danışıb. O, ilk öncə kompromisin əsaslarında yanlışlıqlara yol verildiyini, əvvəlki dövlət başçılarının indikilərlə müqayisədə sülh prosesinə daha meyilli olduğunu deyib. Karneqi Fondunun Rusiya və Avrasiya proqramının eksperti Tom de Vaal Azərbaycan və Ermənistan prezidentlərinin ikili mövqelərini tənqid edib, təkbətək müzakirələrdə fərqli mövqelərdən çıxış etdiklərini, öz ölkələrində isə sərt ritorikalara yol verdiklərini bildirib. Xatırladar ki, Ounun "Qara Bağ" və region barədə yazdığı başqa kitablar hakkında Amerikanın səsində məlumatlar verilib və Amerikanın səsinin Azərbaycan redaksiyası ekspertlə bir neçə dəfə müsahibələr keçirib.

Tom de Val Ermənistanın işğal etdiyi ərazilərdə yaşayış məntəqələri inşa etməsini, ermənilərin heç vaxt yaşamadığı Ağdamda muzey açmasını o ölkənin mövqeyini dəyişməyəcəyinə işarə kimi qiymətləndirib. Tom de Vaal münaqişənin tez bir zamanda həll edilməsi üçün daha artıq səylərə ehtiyac olduğunu vurğulayıb. O, beynəlxalq qurumların rolunun artırılmasını, bölgəyə sərmayə qoyan neft şirkətlərinin tələbkarlığını və lobbiçilərin rolunu dəyişərək, sülh prosesini dəstəkləməsini əsas amillər kimi irəli sürüb. Açıq Cəmiyyət Fondunun Avrasiya məsələri üzrə tətlilçisi Ceff Qoldsteyn də münaqişə tərəflərinin səylərini artırmalı olduğunu qeyd edərək, qonşu ölkələrin sülh prosesindəki rollarının artırılmasının vacibliyini irəli sürüb. Müzakirələrin sonunda tədbir iştirakçıları "Amerikanın səsi"nin müxbirləri və digər qonaqların suallarını cavablandırıb.

XS
SM
MD
LG