ABŞ-ın BMT-dəki səfiri, İşgəncələr Əleyhinə Ümundünya Təşkilatı, Freedom House, Amnesty İnternational və çoxsaylı digər beynəlxalq təşkilatlar Leyla və Arif Yunusların həbsi barədə məhkəmə hökmünü pisləyən bəyanatlarla çıxış edib.
300-dən çox beynəlxalq hüquq-müdafiə strukturunu birləşdirən İşgəncələr Əleyhinə Ümundünya Təşkilatı (World Organisation Against Torture – OMCT) bildirib ki, bu “sərt cəza” Azərbaycanın ədalətli məhkəmə standartlarına məhəl qoymamasından xəbər verir.
“Yunusların məhkəməsinin belə sürətlə keçirilməsi dəhşət doğurur və prosesin keyfiyyəti haqda aydın təəssürat yaradır”, təşkilatın bəyanatında deyilir.
ABŞ-ın BMT yanında daimi nümayəndəsi Samanat Pauer Twitter-dəki mikrobloqunda Yunuslar cütlüyü barəsində çıxarılan hökmü “xəstə ər-arvada qarşı dəhşətli ədalətsizlik” adlandırıb.
“Azərbaycan hökumətinin hörmətli hüquq müdafiəçiləri Leyla və Arif Yunusların uydurma vergidən yayınma maddələri ilə ittiham edərək ən azi 7 il müddətinə azadlıqdan məhrum etmək utancvericidir”. Bunu Freedom House-un vitse-prezidenti Daniel Calingaert deyib.
Amnesty İnternational və Freedom House Azərbaycan hökumətini Leyla və Arif Yunusun təqsirsizliyini nəzərə alaraq, humanitar əsaslarla onları həbsdən azad etməyə çağırır.
