Accessibility links

Bazar günü Pakistanın Kəraçı şəhərindəki məscidin yanında maşına yerləşdirilmiş bomba partlayışı 45 nəfərin ölümünə, 150 nəfərə qədər insanın yaralanmasına səbəb olub.

Polisin dediyinə görə, partlayış çoxu şiə müsəlmanlar olmaqla, dindarlar axşam ibadətindən sonra məsciddən çıxarkən həyata keçirilib. Partrlayış zamanı yaxınlıqdakı binalarda yanğın baş verdiyi və insanların dağıntılar altında qaldığı deyilir. Yaralananlar arasında qadınlar və uşaqların da olduğu bildirilir.

Yarı-hərbi qüvvələrin zabiti Pərviz Əhməd hücumda kimyəvi maddədən istifadə edildiyindən yanğının ətrafı bürüdüyünü deyib.

Hücumun məsuliyyətini üzərinə götürən olmasa da, Əl-Qaidə və Talibanla əlaqəsi olan sünni yaraqlılar Pakistanda, əsasən də Kəraçidə şiələrə hücumlar həyata keçirir.
XS
SM
MD
LG