Pakistanın kəşfiyyat rəsmiləri ABŞ-ın pilotsuz idarə edilən təyyarəsinin hava hücumu nəticəsində Əfqanıstanla sərhəd bölgədə dörd yaraqlının öldüyünü bildirir. Təyyarədən atılan raketlər Cənubi Vəziristan bölgəsinin əsas şəhəri olan Vanada maşına dəyib. Ərazi Talibanın istinadgahı kimi tanınır. ABŞ rəsmiləri piliotsuz idarə edilən təyyarələrin raket hücumları haqda ictimaiyyətə adətən açıqlama vermir, lakin onlar özəl söhbətlər zamanı bu hücumların keçirildiyini etiraf edirlər. Pakistan hücumları ölkənin suverenliyinin pozulması cəhdi kimi qınayır. Bununla belə bu hücumların Pakistan kəşfiyyatının köməyi ilə həyata keçirildiyinə inanılır.
Pakistanda ABŞ-ın pilotsuz təyyarəsinin hücumu zamanı dörd yaraqlı öldürülüb
- Amerikanın səsi
