Müsavat Partiyası, “REAL” Vətəndaş Hərəkatı və “NİDA” Vətəndaş Hərəkatı 1 noyabrda kerçirilən parlament seçkilərinin nəticələrinin ləğv edilməsini və təkrar seçkilər keçirilməsini tələb edir.
Hər üç qüurumun noyabrın 2-də yaydığı birgə bəyanatda deyilir:
Müsavat Partiyası, “REAL” Vətəndaş Hərəkatı, “NİDA” Vətəndaş Hərəkatı
- Siyasi məhbusların azad edilmədiyi;
- Azad və ədalətli seçkilərin keçirilməsi üçün normal mühitin yaradılmadığı;
- Seçki komissiyalarının hakimiyyətin tam nəzarəti altında qaldığı;
- Bərabərhüquqlu təbliğat imkanlarının təmin edilmədiyi;- İctimai diskussiyaların təşkil edilməsi məqsədi ilə namizədlərə pulsuz efir vaxtının ayrılmadığı;
- Nəticə etibarilə faktiki alternativsizlik şəraitində və repressiya dalğası altında keçirilən seçkilərin nəticələrini tanımadığını bəyan edərək;
Azərbaycan hakimiyyətindən 1 noyabr 2015-ci ildə Azərbaycan Respublikası Milli Məclisinə keçirilmiş seçkilərin nəticələrinin ləgv edilməsini, siyasi məhbusların dərhal azadlığa buraxılmasını, seçki qanunvericiliyində zəruri islahatların aparılmasını və 2016-cı ildə təkrar seçkilərin keçirilməsini tələb edir.
Noyabrın 1-də keçirilən parlament seçkilərində Müsavat Patiyasının qeydiyyatdan keçmiş 24 depuatlığa namizədindən, REAL Hərəkatının 10 namizədindən və NİDA Hərəkatının 2 namizədindən bir nəfər belə Məkəzi Seçki Komissiyasının elan etdiyi lider namizədlər siyahısında yoxdur.
