Accessibility links

Dekabrın 28-də “Azadlıq” və “Yeni Müsavat”qəzetlərinin kollektivi “Qasid” Yayım Firmasının qarşısında piket keçirib. Amerikanın Səsinə müsahibə verən Azadlıq qəzetinin baş redaktorunun birinci müavini Rahim Hacıyev bildirib ki, firmanın "Azadlığ"a 30 min manatdan artıq borcu var. O, borcların qaytarılmamasını firmanın maliyyə sıxıntısından çox, qəzetlərə təzyiq vasitəsi kimi qiyməyləndirib.

Rahim Hacıyevin sözlərinə görə, piketlər davam edəcək. O bildirib ki, etiraz vasitələrində bir nəticə əldə etməkdikləri təqdirdə məhkəmə müraciət edəcəklər. "Biz Qasid firmasını məhkəməyə verməyə hazırlaşırıq" - deyə cənab Hacıyev bildirib.

Onun sözlərinə görə, firma rəhbərliyi borcların böyük bir hissəsini qaytardığını iddia etsə də, bu belə deyil. Qəzet rəsmisi sadəcə Qasid tərəfindən satılan məhsullarının pulunu istədiklərini deyib.
  • 16x9 Image

    Emil Quliyev

    Amerikanın Səsində 2007-ci ildən fəaliyyət göstərir. "Amerikana" proqramının təsisçisi və aparıcısı, "Amerika İcmalı" həftəlik televiziya proqramının baş prodüseridir.  Çoxsaylı siyasi, sosial və analitik müsahibə və reportajların müəllifidir.

XS
SM
MD
LG