Rusiyanın baş naziri Vladimir Putin etnik qarşıdurmalara mane olunması məqsədi ilə yeni səyahət məhdudiyyətlərinin tətbiq ediləcəyini bildirib. Putin futbol azarkeşlərinə müraciət edərək, onları ultramillətçilərdən fərqlənməyə səsləyib. Qızıl Meydan yaxınlığında ultramillətçilər “Rusiya ruslar üçündür” şüarı altında etiraz aksiyası keçirmişdi. Moskva polisi tərəfindən keçən həftə əksəriyyəti qafqazlı olmaqla, yüzlərl insan həbs edilmişdi. Etnik qarşıdurmaya Moskvada slavyan futbol azarkeşinin Qafqaz miqrantı tərəfindən öldürülməsi səbəb olmuşdu.