Accessibility links

Serbiya parlamenti Srebrenitsada müsəlmanların qətliamına görə üzr istəməyə hazırlaşır


Serbiyanın hakimiyyətdə olan partiyaları tərəfindən hazırlanmış qətnamə layihəsində kədər ifadə edilməklə yanaşı, 8 000 müsəlman kişi və oğlanın qətlinin qarşısının alınması üçün kifayət qədər iş görülmədiyinə görə üzrxahlıq edilir

Serbiya parlamenti 1995-ci ildə Srebrenitsada minlərlə müsəlmanın qətliamına görə üzr istəməyi nəzərdən keçirir.

Serbiyanın hakimiyyətdə olan partiyaları tərəfindən hazırlanmış qətnamə layihəsində kədər ifadə edilməklə yanaşı, 8 000 müsəlman kişi və oğlanın qətlinin qarşısının alınması üçün kifayət qədər iş görülmədiyinə görə üzrxahlıq edilir. Bununla belə sənəddə qətllər soyqırım adlandırılmır.

Serbiyanın millətçi partiyaları qanun layihəsini rədd ediblər. Onlar bildiriblər ki, qətnamədə 1992-1995-ci illərdə Bosniyada müharibə zamanı müsəlmanlar və xorvatların törətdikləri cinayətlər qınanmalıdır.

Serbiya parlamenti qətnamə layihəsi üzrə bu gün səsvermə keçirməlidir.

Serbiya keçən ilin dekabr ayında Avropa Birliyinə üzv olmaq üçün ərizə təqdim etmişdir.

  • 16x9 Image

    Dilşad Əliyarlı

    Jurnalist və yazar Dilşad Əliyarlı 17 ildən artıqdır "Amerikanın səsi"ndə çalışır. Azərbaycan xidmətində televiziya proqramlarının yaradıcılarından biri olan Dilşad Əliyarlı "Amerika icmalı" proqramının redaktoru və aparıcısıdır. D.Əliyarlı ABŞ-dan Azərbaycan dilində yayımlanan ilk televiziya xəbər proqramının ilk aparıcısı olub. 

XS
SM
MD
LG