Pakistan Talibanının rəhbərləri əl-Qaida banisi Üsama bin Ladenin ölümünə görə qisas alacaqlarını deyirlər. Onlar bu bəyanatı xəbər agentliklrinə müsahibədə veriblər. Bu gün 70-ə yaxın Taliban döyüşçüsü Əfqanıstanla sərhəddə Pakistan təhlükəsizlik postuna iki dəfə hücum ediblər. Avtomat və qumbaraatanlarla müşayiət olunan hücum Pişəvər şəhərinin civarında Sanqu Mera postunda baş verib. İlk hücüm gecə yarısından bir az sonra başlayıb. İkinci hücum bir neçə saat sonra olub. Toqquşma nəticəsində 2 polis zabiti və azı 15 militant öldürülüb.
Taliban liderləri bin Ladenin ölümünə görə qisas alacaqlarını deyirlər
