Yaxın Şərqdən olan katolik yepiskoplar ABŞ və beynəlxalq ictimayyətə İsrail və fələstinlilər arasında ikili-dövlət məsələsinin həllinə kömək etmək üçün müraciət ediblər. Yepiskoplar ötən iki həftə ərzində Romada keçirilən regional məclisdə görüşlər keçirirlər. Onların gəldikləri nəticə bundan ibarətdir ki, İsrail “söz verilmiş torpaq” və ya “seçilmiş millət” kimi dini anlamlardan istifadə edərək ərəblərin məskunlaşdığı Şərqi Qüdsdə yəhudilərin yaşayış məntəqələrinin tikintisinə bəraət qazandırmamalıdır. Bunun əksi olaraq İsrailin baş naziri Benyamin Netanyahu dünən deyib ki, İsrail münaqişəyə son qoymağa hazır olmazdan əvvəl fələstinlilər İsraili yəhudi dövləti kimi tanımalıdırlar.
Yaxın Şərqdən olan katolik yepiskoplar beynəlxalq ictimaiyyətə müraciət ediblər
Yepiskoplar ötən iki həftə ərzində Romada keçirilən regional məclisdə görüşlər keçirirlər